Magtatagal ang nasabing Open House hanggang sa ika-20 ng Setyembre. Para sa unang araw nito, dinagsa ang Bulwagang Panlungsod ng mga indibidwal na mula sa sektor ng magsasaka, mangingisda at mga Senior Citizens. Naka-iskedyul ang pagbisita ng mga kabataan at PWDs sa susunod na araw, samantala, mga market vendors naman ang bibisita sa panghuling araw nito. Bukod sa mga sektor na nabanggit, inaanyayahan ng Lokal na Pamahalaan ang lahat ng interesado na magtungo at bumisita sa Bulwagang Panlungsod.

Matatandaan na si Punong-Lungsod Turabin-Hataman ay isa sa mga naglunsad ng pambansang kilusang Mayors for Good Governance. Pinaka-una sa kanyang 9-Point Priority Agenda ay ang pagbibigay ng isang “transparent, participatory, effective and efficient government” para sa mga mamamayan ng Lungsod ng Isabela. Ang mga programang gaya nito ay isa sa mga pamamaraan upang ipakita sa publiko ang pagkakaroon ng isang mabuti at maayos na pamamahala.