Ang nasabing programa ay dinaluhan ng nasa 50 na buntis na kababaihan mula sa naturang barangay. Sa ilalim ng programang ito, sila ay bibigyan ng karagdagang o ekstrang pagkain na maglalayong mapabuti ang kanilang kalusugan at kalagayan sa panahon ng kanilang pagbubuntis. Ang pagkakaloob ng karagdagang pagkain ay magaganap sa loob ng 90 na araw na kalendaryo mula Lunes hanggang Biyernes.

Sa kanyang mensahe, ipinahayag ni Punong-Lungsod Turabin-Hataman ang kanyang pagsusumikap na bigyang-diin ang responsibilidad ng pamahalaang lokal at ng mga ina na tiyakin ang maayos na kalusugan ng mga bata at mapanatili silang malayo sa mga sakit habang ito ay nasa sinapupunan pa. “Ginagawa natin ito hindi lamang para sa inyo kundi lalo na para sa inyong mga anak, upang sa hinaharap, ang mga susunod na henerasyon ng mga taga-Isabeleño ay maging malusog, produktibo, hindi madaling magkasakit, may matibay na resistensya, at kayang tuparin ang kanilang mga pangarap,” wika ng alkalde.

Dumalo rin sa okasyon si Tabuk Punong-Barangay Julkipli Jahandal at iba pang kawani ng barangay, kawani mula sa Tanggapan ng Pamamahala at Pagpapaunlad ng Populasyon ng Lungsod at BNS. (Sulat ni SJ Asakil/Kuha ni M. Santos, CIO)