Noche de Visperas del Fiesta ya Celebra con Concurso de Ballroom Dancing
LGU-Isabela City Welcomes ANGAT BAYI for Benchmarking Activity on Gender and Development
July 10, 2023
Mayor Dadah Leads ANGAT BAYI Fellows in Encounter with LGU-Assisted Women Organizations
July 10, 2023
Ya llena de maga espectador el Plaza Rizal na noche del visperas, Julio 07, para mira el maga animoso concursante del primer “Bailamos: The Interschool Ballroom Competition 2023.” Este el fin actividad del “Fiesta Alegria na Ciudad de Isabela 2023.”
Maga participante na Categoria de Elementaria estaba na Bishop Querexeta Elementary School, Busay Elementary School, Cabunbata Elementary School, Isabela East Central Elementary School y Isabela Central Elementary Pilot School mientras na Categoria de Secondaria ya inclui maga pares desde Baluno National High School, Basilan National High School – Night y Malamawi National High School.
El maga bailadores ya competi na baile de jive y swing donde el ganador ya lleva volve P8,000 como premio, el segundo puesto ya recivi P6,000 y P5,000 para na tercer puesto.
Na mismo ocasion tambien ya nombra con el maga ya caba gana na torneo de volleyball donde presente si CTO Claudio Ramos II para entrega kanila el de estos maga premio y plaque de reconociemento.
El “Fiesta Alegria na Ciudad de Isabela 2023” ay un iniciativo del Govierno Local de la Ciudad de Isabela bajo na liderato del Alcadeza Sitti Djalia Turabin-Hataman para reconoce el contribucion del Fiesta Patronal de la Parroquia Catedral de Sta. Isabel de Portugal na fundacion cultural del Ciuda de Isabela. (Palabras por M. Guerrero/Retratos por A. Sali, CIO).
Kay Fiesta Ya, Man Alegria Kita!