Como parte del aca-173 Fiesta Patronal del Parroquia Catedral de la Sta. Isabel de Portugal, el Govierno Local de la Ciudad de Isabela por medio del Oficina del Turismo Local y el Prelatura de Isabela de Basilan ya prepara, por primera vez, un exhibicion del maga traje santa del imagen de Sta. Isabel de Portugal que se llama “La Vestida: An Exhibit of Sta. Isabel de Portugal’s Holy Attire.”

Su Excelencia, el Obispo Leo Dalmao, CMF, el ya servi como huesped de honor y na su discurso ya menciona que estos maga vestida mostrao ay un manefestacion de fe y devocion del maga Isabeleños. Mientras si CTO Claudio Ramos II ya asegura que ay continua el suporta del Govierno Local na maga semejante iniciativa siendo este ta forma parte del diaton identidad cultural –bajo na esfuerzo de Alcadeza Sitti Djalia Turabin-Hataman para na un ciudad que ta pone orgullo na su cultura y historia.

Locao na sala del Catedral de Sta. Isabel de Portugal, el exhibicion ay tarda por dos diaz, Julio 4-5, y este abierto na publico. (Palabras por M. Guerrero/Retratos por KJ Evardo, CIO)

#FiestaAlegrianaIsabela2023

#HAPIsabela

#AHappyAndDignifiedLifeforAll